Hazkunde Iraunkorraren aldeko Energia politika

  • Energia Eolikoaren Sektoreko Plana aplikatuz, Elgeako (Araba) eta Oizko (Bizkaia) parke eolikoak eraikitzeari ekin diogu, eta 2004. urtean, Badaiako (Araba) parke eolikoa hasi dugu.
  • Baso-masaren hondakinen bitartez elektrizitatea sortzeko instalazioa eraikitzen ari gara Lantaronen (Araba).
  • Jatan (Bizkaia) eta Igorren (Bizkaia), hiri-hondakinen tratamenduaren bitartez biogasa sortzeko bi instalazio eraiki eta abian jarri ditugu.
  • Hondar-olio begetalen bitartez biodiesela sortzeko instalazio bat eraiki eta abian jarri dugu Berantevillan (Araba).
  • Araiako (Araba) eta Balmasedako (Bizkaia) minizentral hidroelektrikoak birgaitu eta modernizatu ditugu.
  • Alonsotegin (Bizkaia), Zabalgarbi instalazioa eraiki dugu hiri-hondakin solidoak balorizatzeko eta energia elektrikoa sortzeko.
  • Eguzki-energiaren arloari dagokionez, eguzki-energia fotovoltaikoko instalazioak jarri ditugu 60 ikastegitan.
  • Elektrizitatea sortzeko ziklo konbinatuko gas﷓instalazio berriak abian jartzea bultzatu dugu, autohornikuntza-tasa areagotzearren. Horri dagokionez, Bizkaiko Badia Elektrizitatea instalazioa hasi da funtzionatzen eta Santurtziko zein Zornotzako zentral berriak eraikitzen ari gara.
  • Era berean, Bizkaiko Badia Gasa instalazioa jarri dugu abian. Instalazio horretan, inportazioaren bidez ekarritako gas natural likidotua bildu eta birgasifikatu egiten da.
  • Euskal gas-sektorea pribatizatu dugu; hori dela-eta, hainbat enpresak eta erakundek partaidetza dute Naturgas Sozietatean: Hidrocantábrico enpresak % 62, Energiaren Euskal Erakundeak % 33,5 eta Donostiako Udalak % 4,5. Eragiketa horri esker lorturiko diru-sarrerak (232,5 milioi euro) "Inbertsio Ekonomikoen eta Sozialen Plan Berezia" finantzatzeko bideratu dira.
  • Euskadi 2010 Energia Estrategia onartu dugu. Estrategia horren bitartez, bertako baliabideen eta energia berriztagarrien aprobetxamendua eta horiei buruzko ikerkuntza teknologikoa areagotu nahi dugu, bai eta energia-eraginkortasunaren arloko jardunak sektore guztietan bultzatu ere; horretarako 4.900 milioi euroko inbertsioak bultzatuko ditugu.